寵粉無極限！佘詩曼花幾個月為粉絲BB改名視后佘詩曼近年於內地發展順利，成功吸納大班粉絲追捧，而佢亦從未忘本，一向愛錫粉絲，今年生日時佢收到115封粉絲手寫信，均逐一親自回覆，獲粉絲激讚窩心。但原來佢寵粉程度唔止咁簡單，近日有粉絲爆料，指有次於廣東接機時，同佘詩曼傾偈講起自己懷孕幾個月，隨口講起請對方幫忙改英文名，本來講完就算冇咗回事，點知過咗幾個月，佘討曼突然私信佢表示已為BB改好英文名，更親自錄音溫柔講道：「叫Shebe好冇呀？Shebe Cao，縮寫就係SC。」令佢相當驚喜。及後佘詩曼一直都有關心BB成長，不時問候BB近況，仲曾經公開晒出Shebe嘅照片：「親愛的芳芳：不會忘記你的支持和陪伴，在心中…祝Shebe身體健康，快高長大！」其實去年生日會，佘詩曼曾經幫一位媽媽級粉絲湊住小朋友，就係等對方能夠有空閒食蛋糕，當時佘詩曼仲表示：「我抱你一會，你媽媽抱了你一晚上也累了，讓她休息一會吃個蛋糕。」咁錫粉絲，難怪多年來都有大批粉絲追隨住佢。佘詩曼向來鍾意小朋友。親自為粉絲BB改英文名。仲一直關心BB成長。Keep住慰問。甚至公開晒出粉絲BB靚相。真係好寵粉！佘诗曼
寵粉無極限！佘詩曼花幾個月為粉絲BB改名
