美麗戰場︱「反骨琪」蔣家旻害死老竇：好彩出街冇畀人打無綫台慶劇《美麗戰場》演員蔣家旻與監製葉念琛今日（8日）在黃埔出席電台活動。蔣家旻在劇中憑大反派「反骨琪」彈出，昨晚（7日）劇情更害死老竇，觀眾看得咬牙切齒，她說：「好彩出街冇畀人打，導演都叫我唔好出街，連返公司保安見到我都話睇到好激氣。好開心有咁嘅反應，亦好多謝導演，劇情寫得好中，寫到咁極端地衰。」葉念琛指還未知道收視成績，但對劇集有好高的討論度，在討論區被洗版感到高興，他說：「主要都係鬧佢（蔣家旻），最開心係有Noise，收視都唔及全部人去講咁緊要。」他又指蔣家旻害人只是剛剛開始，到下星期劇情去到選美，進入娛樂圈將會更加變本加厲。蔣家旻則稱不怕被定型奸角，也希望再演多次深層次式的衰人。導演笑言下次再找她拍戲會安挑好人角色讓她洗底，被問到女主角陳瀅缺席劇集宣傳可有影響，他說：「對佢嘅行程好清楚，其實佢都做咗好多宣傳，同埋佢下星期就會歸隊。」蔣家旻憑大反派「反骨琪」彈出！蔣家旻都話好彩出街冇畀人打！葉念琛對劇集有好高嘅討論度感到高興。一齊到電台宣傳！蒋家旻
美麗戰場︱「反骨琪」蔣家旻害死老竇：好彩出街冇畀人打
