袁詠儀是非過後捱饅頭 網友嚇親以為帳號被盜藝人袁詠儀近日是非多多，繼同老公張智霖於節目《披荊斬棘》補辦婚禮而惹起爭議後，唯一一個影迷會又忽然關閉，搞到佢都唔開心話「愈來愈不懂網絡世界」。唔知係咪見高調惹禍，尋日（13日）佢就突然晒出兩張嘢食相，分別係兩個大饅頭及辣椒醬，似乎係表示佢當日就以呢兩樣嘢食醫肚，忽然平民化嘅佢仲留言：「能吃幾個？正！」袁詠儀呢排好黑。點知想行「平民化」都出事。雖然就夠晒貼地，但平時出名出手闊綽嘅佢，今次嚟個「平民餐」，唔似係香港人會食開嘅嘢，搞到有唔少網友以為佢社交網帳號被盜，急急留言問佢，不過同時亦有網友估計可能個account平時會有工作人員時不時幫佢打理，可能今次出Post都一樣。食饅頭就畀人懷疑係盜號。網友估有可能係工作人員幫手出Post。袁咏仪
袁詠儀是非過後捱饅頭 網友嚇親以為帳號被盜
