同冼靖峰合唱獲獎 何晉樂想去新加坡攞獎兼慶祝無綫揚威海外勇奪「2022亞洲影藝創意大獎」香港區15項殊榮，其中由冼靖峰(Archie)和何晉樂（Rock）合唱的《青春本我》主題曲獲選為「最佳節目歌曲」，Rock原來好早已獲悉得獎，他和Archie都感到好興奮，他笑言：「知道嗰刻大家都好開心，第一時間諗去新加坡攞獎有乜嘢可以做，哈哈！其實純粹諗吓，都唔知有冇機會去，（想唔想去？）想呀！因為未去過，而且可以見到好多前輩，擴闊眼界。（同Archie點慶祝？）如果有得去新加坡就一齊慶祝。」對他和Archie來說，獲獎是好值得紀念的事，也開心歌曲感動了不少人，他說屋企人都好開心，但不會因此感受到壓力，會繼續做好本份。對於2人合作十分幸運，可再下一城再合唱？他直言與Archie無論工作上和唱歌上都好夾，Rock說：「同佢把聲有化學作用，有機會再唱梗係好，（同佢個人夾唔夾？）意見上一定有分歧，我哋都係有自己諗法嘅人，有啲碰撞先有火花，（佢難相處？）唔係，以前成日爭嘢食，不過佢依家食健康餐，唔使爭。」Rock（右）同Archie合唱主題曲獲獎。出席活動。Rock希望去新加坡領獎。Rock表示同Archie把聲有化學作用。何晉乐冼靖峰
同冼靖峰合唱獲獎 何晉樂想去新加坡攞獎兼慶祝
