下流上車族︱林敏驄演慈父俘虜觀眾 唔諗爭視帝！「鬼才」林敏驄與江美儀主演的無綫台慶劇《下流上車族》，日前首播時收視高開收23.2點，二人今日（22日）一同接受電台訪問時，同聲表示是喜出望外，阿驄的慈父角色更成功俘虜觀眾，被指有機會問鼎今屆視帝寶座，對此他笑言：「使乜爭，畀唔畀都冇所謂，外間接受呢套劇已經當贏咗！呢樣嘢比起有提名仲犀利，依家唔只師奶睇到喊，連網民都喊埋。（仲有冇劇癮？）冇呀！貴精不貴多嘛！」美儀坦言當初擔心劇集會於網上有負評，沒料劇集播出後反應佳，阿驄更獲網民封為偶像。談到影后鮑起靜日前一場對住手機錄音的獨腳戲，成功感染觀眾，美儀直言作為演員，必定要觀景該場戲：「場戲冇人同佢講嘢，佢自己做，真係流晒眼淚，簡直係影后試範級，播完我傳短訊讚佢，佢又好謙卑話『過譽啦！』同埋佢拍劇係唔使睇Playback，好厲害！」林敏驄同江美儀接受電台訪問。嚟張大合照。《下流上車族》首播時收視高開收23.2點。林敏驄演慈父角色成功俘虜觀眾。林敏驄
下流上車族︱林敏驄演慈父俘虜觀眾 唔諗爭視帝！
