機場連番被捕獲！陳偉霆被粉絲讚勁Nice型男陳偉霆 （William）早前由香港起程往馬來西亞拍攝電影《爆裂點》，經過連日趕工後，話咁快拍完，日前有粉絲在馬國機楊野生捕獲男神。嗰位粉絲話William同行有兩位推住行李嘅助手，更有一位外籍人士為佢哋開路，見佢哋行色匆匆，相信好趕時間入閘，不過一向親民嘅佢，沿途都有同相遇嘅粉絲用眼神打招呼，好鬼nice，更發現佢零架子，會親口推開阻住佢嘅行李車，唔會只識翹埋隻手做大爺。William在馬來西亞機場被粉絲野生捕獲。行色匆匆！用電眼同粉絲打招呼。到櫃位登記。當佢哋一行人返到香港後，又有粉絲將佢哋抵港嘅情況放上網，而最令粉絲最開心係，William搭完幾個鐘頭飛機，再加上過關、檢疫，舟車勞頓咁都應該幾攰吓，照道理佢應該趕住返屋企好好休息，但佢見粉絲追佢追到停車場，已經上埋車嘅佢，冇話連講聲bye bye都慳番就閂車門，仲好有耐性咁逐一幫啲粉絲簽名，真係好人到冇朋友。William被粉絲大讚冇架子。返港後再被粉絲發現。打開車門任影。仲幫粉絲簽名，Nice到爆！William亦喺社交網分享佢完成馬來西亞外景嘅心情：「殺青了，百般滋味在心頭，夢想的導演、夢想的影帝對手，夢幻的旅程，讓我沉醉其中，但願永不醒來。」陈伟霆
機場連番被捕獲！陳偉霆被粉絲讚勁Nice
