陳奕迅紅館騷終極加場光速售罄 本尊親發「神愛世人」感謝文今年聖誕和跨年，被網民視為必睇的重頭騷《陳奕迅FEAR AND DREAMS 香港演唱會》，門票供不應求，大會宣布加開又加場後，由12月9日起至明年1月14日為止的共25場紅館個唱，今日宣布：「感謝支持！25場全部售罄，約定大家紅館見！」所有場次一票不留，果然相隔9年再踏紅館舞台的「歌神」絕對「唔係流」，而10月20日宣布終極加開1月8、13及14日的3場，於今日正式開賣，結果一如以往，光速賣晒，見粉絲咁鼎力支持，陳奕迅（Eason）都忍不住，終於在逾2年冇蒲頭的社交網上現身，發表「神愛世人」的感謝文：「老土我都要講：『我愛大家。』」搶到門票的粉絲當然開心，喺官網留言話：「買到尾場，紅館見」，但亦有粉絲大呻：「又係賣唔到囉」，所以望Eason終極後再終極開場，亦有粉絲留言希望他可以到台灣或馬來西亞開騷。Eason威力絕不小覷！Eason答謝大家！要Good騷！陈奕迅
陳奕迅紅館騷終極加場光速售罄 本尊親發「神愛世人」感謝文
