唔係第一次 劉佩玥凌晨緊急入院近日於台慶劇《美麗戰場》入面演技大爆發嘅劉佩玥，因為飾演娛樂記者而成功入屋，不過事業開始起飛嘅佢，今日（31日）凌晨忽然上載限時動態，自爆再一次入醫院，不過佢就唔講自己到底咩事，只係話辛苦晒父母，同埋指自己係好小事：「又一次凌晨入醫院，辛辛苦爸爸媽媽了。雖然好小事，但好多謝醫院的醫生和護士們，你們的體貼照顧和專業態度，謝謝你們。放心！我會好快好番」劉佩玥（後排）於劇中飾演娛樂記者。成功入屋但健康就出事…原來係急性腸胃炎！擔心死人。劉佩玥隨後親自回覆東網，表示自己係急性腸胃炎，不過依家已經出院返到屋企：「放心，我已經返咗屋企休息緊，小事小事，不用擔心♥️。急性腸胃炎，可能食錯嘢，但依家已經喺屋企休息緊♥️ 有媽媽爸爸係身邊真係好，感恩！」刘佩玥
唔係第一次 劉佩玥凌晨緊急入院
