【01娛樂】下流上車族｜林景程出街被人指住鬧「衰仔」：好開心有人咁而鬧我林景程今日（1/11）現身深水埗出席無綫劇集《下流上車族》「愛心同行」派飯活動。提到他在劇中將「衰仔」角色演得淋漓盡致，寧願「要狗都唔要阿媽」，不孝行為備受網民鬧爆。對於被指演活了「衰仔」這個角色，林景程接受《香港01》訪問時說：「其實我都估唔到大家個反應會咁大，但我都好開心有人因為咁而鬧我。試過出行街嘅時候都有人行埋嚟鬧我衰仔，仲話我其實我可以帶埋阿媽去日本，見到佢哋都好入戲，令我覺得好大嘅鼓舞。不過睇返自己嘅演出，有啲位我係做得唔好，例如喺鬧人方面嘅層次係唔夠，同埋都好多懶音，變咗自己聽到咁，我都好憎自己，點解自己仲未改到呢個缺點。」林景程在劇中演活「衰仔」角色，演技備受網民肯定。（葉志明攝）林景程
【01娛樂】下流上車族｜林景程出街被人指住鬧「衰仔」：好開心有人咁而鬧我
