【01娛樂】中年好聲音｜黃宗澤舊愛朱庭萱不滿面試等得耐　肥媽：每人都要等

【01娛樂】中年好聲音｜黃宗澤舊愛朱庭萱不滿面試等得耐　肥媽：每人都要等肥媽Maria Cordero今日（3/11）以評判身份現身電視城出席無綫新選秀節目《中年好聲音》拜神。提到早前「玻璃朱」黃宗澤舊愛朱庭萱出戰《中年好聲音》不滿無綫安排面試混亂，在社交平台發文狂轟，要她足足等了兩個多小時，影響她表現，結果只唱了一分鐘就被評判叮走。她又指面試時只有評判伍仲衡和伍佳添，卻欠另外兩個評判肥媽和曾志偉，質疑公平性。肥媽表示每名參賽者都需時等侯面試。（陳順禎攝）肥媽就事件接受《香港01》訪問時說：「成個比賽，有成幾千人參加，咁梗係等得耐啦，而每個人都係平等嘅，因為有咁多人參加，每個人都係要等嘅。而我哋做評判嘅咪仲慘，呢近星期六我哋要由朝早8點半做夜晚12點。其實呢個世界係公平，唔會因為我出名，就唔等得，絕對係冇呢樣嘢。至於話我同志偉哥唔喺度，我就記得自己肚餓，走咗出去食嘢醫肚。講真伍仲衡張佳添佢哋都夠晒實力。我係明白呢個世界冇可能令到每個人都滿意，但我想講呢個比賽係絕對公平。」肥媽今日出席《中年好聲音》拜神儀式。（陳順禎攝）