【01娛樂】77歲余子明中風長期臥床 家人憂積痰嚴重變肺炎急送院資深藝人余子明年初因缺血性中風入院，左邊身暫時癱瘓，需要坐輪椅，並由家人照顧起居飲食。余子明兒子天佑不時在IG交代爸爸的身體狀況，日前透露爸爸「身體明顯退步咗」，因為濃痰太多化不開，擔心情況嚴重會併發肺炎，故急送入醫院檢查。上月底上載的最新相片，見余子明眼仔睩睩對住鏡頭影相，雖然臉容消瘦，但尚算精神，原來暗藏隱憂，天佑寫道：「老細叉滿電，不過近來身體明顯退步咗；怕佢吞藥會濁親所以大粒嘅藥丸要磨碎。#珍惜家人 #活在當下」。數日後，天佑再出post，透露自己因為要入院探爸爸，所以每天都要做核酸檢測，留言：「《濃痰化不開》🎶痰越濃 越會化不開 說不清那未來…🧔🏻♂️小編按：上晝仲眼仔碌碌影相，下晝就叫車入廠維修。」余子明消瘦不少。（ig@yuchiming1944）但每次對住鏡頭都瞪大眼，好精靈。（ig@yuchiming1944）天佑接受《香港01》訪問，透露爸爸是在11月1日（周二）入院，由於積痰過多，家人擔心吞嚥時會「濁親」，為安全計安排入院治療。天佑說：「爸爸有好多痰咳唔到，怕佢食嘢濁親有危險，醫護朋友仲話積痰嚴重可能會變肺炎，為安全計就送佢入院，有醫護幫手抽痰同拍痰。」他透露余子明入院後曾經連續發燒兩日，至前日（4日）才退燒，天佑續說：「咁當然仲有啲老人病啦，佢臥床時間太長，pat pat會有壓瘡，炎症可以都會令老人家發燒。依家已經退咗燒，但個人始終都好攰，老人家身體機能係差啲，成日冇乜氣。」問到爸爸有沒有胃口？他說：「佢係有胃口嘅，但食嘢好易瀆親，之前媽咪會整啲baby food，依家情況好咗，醫院都有畀佢食糊仔佢食。」今個月是余子明的農曆78歲生日，問到會否盡快幫爸爸安排出院回家慶祝？天佑表示爸爸當然想，但「唔急得」。雖然余子明身體活動能力較差，亦不能夠用語言表達自己，但思路卻十分清晰，天佑笑說：「醫院每日只能夠探病一小時，當我同媽咪話走時，佢就眼定定望實我哋，講笑咁講，佢就係『條氣唔順』未有得返屋企，我就話想拜拜就眨兩下眼，佢就好bling bling眼咁眨咗兩下，好精靈。」余子明一家合照，但太太們不願出鏡。（ig@yuchiming1944）余子明與兒子天佑。（ig@yuchiming1944）余子明最近太多痰，只能食流質食物，未知幾時能夠再大大啖食燒鵝髀。（ig@yuchiming1944）余子明在ViuTV原創劇集《940920》，飾演女主角林楚凝的失智症爺爺。（IG：@yuchiming1944）
【01娛樂】77歲余子明中風長期臥床 家人憂積痰嚴重變肺炎急送院
