超能使者｜「明仔」潘墨凌演技爆發逐格睇！運毒再爆喊與楊證樺相擁獲激讚好戲由陳展鵬、唐詩詠、陳山聰等主無線台慶劇《超能使者》，周五最近一集，高潮位落到「高佬」楊證樺與「明仔」潘墨凌的父子情上。明仔為賺錢讓父親做換肝手術而運毒，結果令同學誤食毒品朱古力身亡，黑白兩道四出搜括明仔父子，高佬因為搵明仔更錯失換肝手術，走頭無路的高佬卻與明仔自行了斷。「高佬」楊證華在山上重遇明仔，心痛的高佬怒打明仔斥他運毒，明仔聲淚俱下向父親表明心迹：「我唔係貪錢，係想賺錢幫你換肝咋！」【點擊睇「明仔」超班演技】：第4集「明仔」潘墨凌偷炸雞被爸爸「高佬」楊證樺發現，明仔在打仔戲份的演出已經獲得觀眾關注。明仔被趕出門口見到陳展鵬的嬲爆表情也是一絕。不過途中被同學襲擊，搶去毒品朱古力，更令其中一個同學服毒身亡，明仔見狀即時跳跑。最後「高佬」楊證樺在山上找到明仔，不過一見到就即刻打仔，鬧爆他為賺錢運毒。明仔被打戲份一樣七情上面。明仔聲淚俱下向父親解釋：「我唔係貪錢呀，我係想賺錢幫你換肝咋！屋企冇錢畀你做手術，你一定冇得醫，我唔想你死呀老竇，你唔好離開我啦…」父子冰釋前嫌，雙擁痛哭的畫面令觀眾為之動容。楊證樺亦被網民讚好戲，認為是《超能使者》中最精彩的演出之一。不過父子相擁痛哭的翌日，走頭無路的「高佬」萌輕生念頭，餵明仔食混入老鼠藥的皮蛋瘦肉粥。明仔表情相當信任父親。最後卻口套白沫，更呼吸停止。幸好最後被陳展鵬、唐詩詠救回。有份拍攝該戲份的林子善表示，要拍攝五人同時淚崩，難度甚高。不過最後大家表現都非常出色！楊證樺大讚戲中囝囝潘墨凌既聰明又乖巧，讚他每次都會熟讀劇本，做足功課。在劇中患肝病的楊證樺透露，每次埋位前都要花半小時以噴槍化「肝病妝」，而且因為顏料太食皮膚，令臉部狂爆瘡。杨证桦
超能使者｜「明仔」潘墨凌演技爆發逐格睇！運毒再爆喊與楊證樺相擁獲激讚好戲
