為定居地開火！莊鍶敏驚爆離婚難忍老公反口「拿督千金」莊鍶敏（Jacquelin）2年多前與台灣珍珠奶茶店老闆楊秉逸（Brian）閃婚，在女家豪宅簽字行禮，婚後一直表現恩愛又講明急生b，但近日卻驚爆正辦理離婚手續，夫婦間為長居出現嚴重分歧成導火線，加上難忍食言兼三觀不同，痛定思痛下決定好心分手。莊鍶敏驚爆婚！42歲的Jacquelin跟台灣商人男友Brian拍拖半年後，無懼疫情，戰勝Long D下結成夫婦，於2年多假莊家的山頂大宅舉行婚禮，雖然新婚不久就要分居，老公要飛返台灣處理業務，而Jacquelin則留港工作，但熱戀期間中，兩口子對長距離婚姻生活依然信心十足，趕造人的Jacquelin曾被拍得跟飛抵港的老公齊齊買生蠔，她亦曾在公開活動上摸大肚婆梁麗翹的肚皮沾旺氣，去年7月，Brian更當「跟得老公」隨太太出席公開活動，閃爆全場。然而，近年將發展基地轉往內地的她，早前還聲稱Brian於8月時會飛返內地圑聚，當時曾詐嬌謂：「我同佢講，如果你再唔過嚟搵我，下一步就係離婚，離婚先見！」豈料原來絕非戲言，而是感嘆婚姻現危機。據知夫婦恩愛只是假象，原來婚前Brian曾承諾遷就太太，齊移居香港或內地生活，可是婚後卻「唔認數」一味「拖字訣」，反要求她出嫁從夫搬居台灣，令堅持要同住的Jacquelin大感無奈，2年多來，夫婦間為定居問題爭吵過無數次，而以往尚肯離台會妻的Brian，最後一次和太太見面已是去年尾的事。5月生日，身在內地的她只收老公的祝福訊息及利是，到而早前說好的「8月見」亦是「放飛機」，最近Brian亦「實牙實齒」表示不會離開發迹地，加上雙方的三觀不同難見未來，為免浪費時間終於攤牌協議離婚，待完成手頭上的工作後，11月便返港正式簽字回復「單身貴族」身份。2幾多前同台灣老公簽字結婚，可惜未能走到最後。此情可待成追憶～其實Brian都曾嚟過香港探莊鍶敏。惟有寄情工作！早前在內地完成無綫劇《狀王之王》拍攝工作的她接受東網獨家訪問時，大方承認正和Brian辦理離婚手續：「我哋成日為定居問題成日鬧交，之前佢應承嚟香港、內地陪我，最後佢話放唔低台灣嘅生意，呢個問題點都解決唔到，既然勉強冇幸福，根本走唔到落去，不如離婚啦。」問到夫婦間可出現第三者？Jacquelin表示：「我呢邊就冇，佢嗰邊就唔知，基本上應該冇。」她不違言有努力過力挽婚姻，可是：「離婚都覺得可惜嘅，但佢都唔想同我傾，定居問題一直都冇共識過，唯一解決方法就係分開。」至於贍養費問題，她稱各自財政獨立，她不求贍養費，Brian亦沒有要求分她身家。雖然「異地婚姻」失敗收場，但她不會存陰影，皆因覺得：「係睇個人囉，唔關異地戀事，感情事隨緣啦，唔會諗再婚住，因為我事業為重，喺內地真係好多機會。而其父母亦尊重她的離婚決定。思明撐家姐夠硬淨莊鍶敏與莊思明姊妹情深，之前齊齊在內地拍攝無綫劇集《一舞傾情》，日對夜對。對於家姐離婚一事，思明受訪時坦言：「我知呢件事，佢有同我哋講，不過呢啲始終係佢自己嘅嘢，最好都係由佢自己講番。」問到家姐之前拍劇心情可有受影響？她說：「冇喎！OK嘅，佢不嬲都硬淨同樂觀，所以唔使好擔心，佢咁大個人，呢啲嘢自己識得處理，我有Keep住同佢傾偈，佢依家心情OK。」另外，思明在社交平台上載與男友楊明撐枱腳的照片，並發文：「好似好耐冇出去食飯啦，等我減完肥之後要食餐勁嘅！」問到現時是否已減肥成功？她笑說：「未成功呀！呢排已經食得好清、好寡。（肥咗好多咩？）又唔係，只不過之後台慶有個表演，件衫都幾性感，所以諗住Keep fit啲！」思明當日見證家姐出閣，更喺婚禮上接到花球。最近積極減肥嘅思明，撐枱腳難得大快朵頤。庄鍶敏
為定居地開火！莊鍶敏驚爆離婚難忍老公反口
