黃宗澤保護「家嫂」 與王敏奕演一對冇親密戲藝人黃宗澤（Bosco）與王敏奕今日（10日）在將軍澳電視城，出席台慶劇《法證先鋒V》記者會。Bosco與敏奕飾演一對，他自言拍攝時對「家嫂」照顧有加，在劇中更沒有激情戲，連拖手戲也欠奉，敏奕說：「關咩事，係佢劇裏面吊高嚟賣。」他笑言今次簡直是「國防級家嫂保護機制」，去到最後一集才一起。講到第二次合作，Bosco則讚她大有進步，比起拍攝《飛虎之潛行極戰》時，沒有那麼驚青，敏奕說：「我個人容易緊張，又對住呢啲前輩呢，佢套《戀愛自由式》我中學都有睇㗎！」Bosco又指最初收到劇本要在綠幕拍攝水底戲，也不禁爆粗覺得怎樣拍：「要吊住威吔拍游水其實都幾難，但係出嚟嘅效果都幾好，不過條腰就好大負荷，好彩冇事，仲係好腰、好腎、好男人。」在旁的敏奕面紅紅說：「冇，聽到你條腰冇事，戥你開心啫！」黃宗澤保護「家嫂」王敏奕。黃宗澤讚王敏奕有進步。王敏奕戥黃宗澤條腰冇事開心。黃宗澤拍攝水底戲條腰就好大負荷。法证先锋5黄宗泽
黃宗澤保護「家嫂」 與王敏奕演一對冇親密戲
