【《無綫節目巡禮2023》介紹來年精彩節目🌟TVB 經典人物漫畫牆揭幕掀集體回憶！】

【《無綫節目巡禮2023》介紹來年精彩節目🌟TVB 經典人物漫畫牆揭幕掀集體回憶！】《無綫節目巡禮2023》今日 (11日) 隆重舉行，逾160位藝員盛裝出席，為觀眾同廣告客戶介紹來年精彩節目，場面非常熱鬧！譚俊彥、陳山聰、袁偉豪、冼靖峰及十多位《聲夢》歌手亦分別獻唱，藝員路芙、黃建東、蔡國威及黃頌明更表演機械舞娛賓，成功炒熱全場氣氛！為慶祝TVB 55周年台慶，無綫電視亦特地製作「TVB 經典人物漫畫牆」，並喺今午進行揭幕禮！「漫畫牆」選取咗55年來融入香港人生活、陪伴大家成長嘅經典角色及場景，呈現香港集體回憶！今次嘅「漫畫牆」由飾演《愛·回家之開心速遞》經典角色Terry嘅藝員兼漫畫家李偉健策劃，並與公司美術部同事聯手畫製，以不足一個月時間完成，別具意義！TVB計劃於明年推出嘅節目包羅萬有，翡翠台「戲劇節目」好戲連場，當中包括《一舞傾城》、《狀王之王》、《香港人在北京》、《你好,我的大夫》及《痞子殿下 2》等；至於夠Fresh、夠Green、夠Happy嘅「綜藝節目」包括《肥媽李鼎》、《豪遊咖啡》、《吃貨橫掃曼谷》、《CP 旅行團》、《重案實錄》及《中年好聲音》等，消閒、輕鬆、資訊、紀實、音樂及真人SHOW應有盡有！J2將會繼續有多個新奇好玩嘅精彩自家製節目，包括《大髮師》、《因為愛情》、《我要瞓鬥》、《我瞞上機了》、《拋妻棄女走一會》及《荷蘭筍工》等；明珠台方面，除咗有自家製節目《港生活·港享受》，亦會為觀眾送上多套精彩電影、綜藝節目及紀錄片，仲有myTV SUPER 節目推介！此外，無綫新聞台 (83 台) 將會繼續緊貼民生、關心社會，為市民 24 小時報道最新資訊，並製作知識文化節目《行行有好景 II》及《武·測天 II》；而無綫財經 體育 資訊台 (85台) 雲集多元化資訊，多個自製節目將會載譽歸來，包括有《好睡好起》、《無窮之路》、《大灣區系列》、《南沙新機遇》及《疫後前行》等，盡情發揮「無綫新聞 事事關心」嘅精神！