TVB節目巡禮｜10位缺席小生花旦 王浩信北上一去不返 馮盈盈忙到凌晨昨日（11日）舉行的「TVB節目巡禮2023」，是一年一度TVB向觀眾和廣告商展示來年大計的重要日子，所以一眾藝員都非常重視盛裝出席，務求在廣告商及觀眾面前留下良好印象，再忙亦會盡量抽空亮相。不過有網民就發現，目前有幾位正上位又具人氣的小生花旦例如龔嘉欣、馮盈盈、江嘉敏以及張振朗等，甚至連視后李佳芯都竟然缺席公司盛事，當中江嘉敏更在個人社交平台交代自己是因為肚痛而失場，至於其它幾位到底又去咗邊？【點擊睇《TVB節目巡禮2023》消失的上位小生花旦】：先睇睇昨日（11日）《TVB節目巡禮2023》藝員大合照。１）江嘉敏9月底出席台慶亮燈記者會，造型反而不是焦點，因網民都討論她點解企到咁側。 留意第二行右手邊，真係張相放大少少都唔見咗江嘉敏呀！江嘉敏昨晚（11日）於IG解釋冇影原因。原來江嘉敏因為肚屙而缺席《TVB節目巡禮2023》。不過江嘉敏今日則為台慶表演節目綵排，睇嚟肚痛已經好返喇。２） 無錯，今日出席彩排的張振朗亦都缺席昨日的巡禮。近年張振朗劇接劇播放，受無線力捧！仲曾經為無線劇《拳王》操到一身肌肉。但其實近年極速上位的張振朗應該只是與拍攝撞期未能出席。今日仍然要為《保安出更》拍攝。３）一向被讚有演技的龔嘉欣主演《新四十二章》令不少觀眾期待，新劇更被選為台慶劇，似乎有望爭視后，但據指劇集已被抽起。今年龔嘉欣已播出的劇集有《十八年後的終極告白2.0》及賀回歸劇《究竟天有幾高》。龔嘉欣於《十八年後的終極告白2.0》都有獲讚，但話題度就不及台慶劇《美麗戰場》，氣勢已輸一大半。龔嘉欣的《新四十二章》被抽起，意味爭視后機會大減。龔嘉欣似乎都懶理公司安排，連昨日（11日）舉行的《TVB節目巡禮2023》都沒有預留時間出席，反而是一早飛往日本旅遊放鬆，可見她自知今年爭視后機會極微。 龔嘉欣似乎都懶理公司安排，連昨日（11日）舉行的《TVB節目巡禮2023》都沒有預留時間出席，反而是一早飛往日本旅遊放鬆，可見她自知今年爭視后機會極微。4) 視后李佳芯都冇出席巡禮。芯佳早前表示過公司有安排她作戲劇以外的嘗試。而佳芯其實亦都人在日本，早前更加被發現與大隻型男同遊！不過唔怕，李佳芯人唔到名都到，有節目有佢份主持！5)馮盈盈 近一年無論生活定工作都相對低調。不過昨日缺席嘅馮盈盈冇出Post。而她人在香港。凌晨時間分享了似是家中海景的相片。上星期仍然有份主持《全城一叮》，今日亦有出席「童建未來」兒童發展基金計劃2022-2025 啟動禮 。其實是忙於拍攝新劇《妳不是她》。6) 視帝王浩信！視帝王浩信近年備受TVB力捧！憑《踩過界》系例榮升視帝！不過自從今次一月跟王祖藍返上內地工作之後。王浩信就冇返過嚟喇！7) 近年憑《愛回家》人氣急升的林凱恩！早前更在劇中開展與「蔥頭」的愛情線，係劇集主角之一！其實林凱恩除了《愛回家》之外，亦都有其它劇拍。例如之前的《食腦喪B》，林凱恩亦有份演出。但其實噚日林凱恩冇出席巡禮，原來係去咗搵李澤楷女友郭嘉文！8) 陳曉華。 前港姐冠軍陳曉華近年劇接劇。早前《美麗戰場》的表現亦相當突出。不過佢唔出席嘅原因都係要拍劇。最近她忙於拍攝《異空感應》。9) 何依婷何依婷近年都係劇接劇！在《十月初五的月光》中更加是女主角！上個月中她曾經到日本旅行。會唔會玩到仲未捨得返呢？10) 蔣家旻！蔣家旻早前在《美麗戰場》中飾演的「反骨琪」非常受歡迎。外界一直盛傳佢有可能奪今屆的「最佳女配角」。不過11月10日，正值蔣家旻生日，可能放緊生日假所以缺席巡禮啦！
TVB節目巡禮｜10位缺席小生花旦 王浩信北上一去不返 馮盈盈忙到凌晨
