《獎門人》收視不敵《下流》　曾志偉認輸：欠佢哋一餐同裸跑！

《獎門人》收視不敵《下流》　曾志偉認輸：欠佢哋一餐同裸跑！無綫總經理曾志偉今晚（14日）出席《無綫電視五十五周年晚宴》活動，席間他透露無綫開台以來為慈善機構共籌得65億港元，故今晚請來不少嘉賓出席見證，現時疫情措施放寬，大家終可眾首一堂。說到台慶劇《下流上車族》結局篇收視高達26.7點，而《開心無敵獎門人》只有26.1點，被林敏驄再勝一仗的他笑言：「我哋呢啲上流人最怕下流人，林敏驄成世人都唔識喊，依家搞到人日日喊，結局真係好感人，我今次真心認輸，真係欠佢哋一餐同裸跑，我都算威，點知都畀佢贏零點幾收視，我最叻26.1點，佢就26.7點，我訂定隻響螺請佢哋食飯。（嚟緊會否再邀請林敏驄合作？）佢係怪人嚟，邀請佢唔嚟，但佢會自己行過嚟，之前邀請佢都冇諗過佢會一口答應，連首歌有版權，佢都話喺佢酬勞度減，最慘係佢要自己唱埋，不過佢好帶動到個氣氛，我都畀佢搞到眼濕濕，因為要畀咁多錢佢。」曾志偉與朱凱婷亮相。《下流上車族》收視贏咗《獎門人》。曾志偉真心認輸！無綫主席許濤與一眾無綫高層合照。