馬國明澄清婚事仍未落實 談及求婚：唔答你哋藝人馬國明出席《無綫電視五十五周年晚宴》活動，有傳聞之後會播映他主演的新劇《法言人》，他表示未有聽聞，又指演員好被動，笑言:「可能聽日又傳另一套呢！呢啲冇乜所謂，由公司決定，我手頭上仲有《法言人》同《隱形戰隊》未播。」說到他明年結婚，怕否到時劇播不能配合宣傳時，他即謂:「我想同大家解釋番，我話結婚嗰件事，並唔係宣布婚訊，只係話有呢個想法，同佢有呢個共識，各樣嘢都未落實，我一定唔會喺台慶同節目巡禮呢啲時候公布，求婚亦都只會私下做。」問到他求婚未，他笑言:「呢樣唔答你哋嘞！Timing啱就會同大家講，總之我嗰日唔係宣布婚訊啦！我驚《鐵馬》啲兄弟嬲我，點解宣布咗佢哋都唔知。」馬國明表示求婚亦都只會私下做。馬國明澄清當日不是宣布婚訊。kennethma马国明
馬國明澄清婚事仍未落實 談及求婚：唔答你哋
