郭富城向舞者致敬環節暗寸ViuTV？錢嘉樂有嘢講…錢嘉樂與鮑起靜今日（20日）現身老人中心開幕，嘉樂提到昨晚（19日）台慶中，郭富城的表演十分搶鏡，他表示：「係開心嘅，睇到佢帶領咁多舞蹈員跳舞同致敬導師，其實我哋嘅武同佢嘅舞係幾似，都係容易受傷，到年紀大多腰酸骨痛，我哋見面會搭膊頭，舞蹈組同舞獅組都好老友，成日話有機會互相交流吓。」對於有網民指該向舞者致敬環節似是暗寸ViuTV不尊重舞者，嘉樂否認：「唔係，我估係外面敏感，呢樣嘢唔係呢一兩年，唔係話因為某件事而做，好多年前開始做，幾年前已經成立個舞蹈藝員總會，因為要團結，唔使大家單打獨鬥，受傷都有人照顧。」至於鮑起靜講到拍攝短片，她透露所有演員都是義務拍攝：「導演自掏腰包畀車馬費，我拍咗幾日囉！（見你好入戲？）因為我都係阿婆，特別會體會到老人家冇人照顧好淒涼。」問到《下流上車族》收視佳，是否會開續集？她說：「未聯絡我，逢係劇見到就收，唔好開續集，拍新嘅會好啲。」錢嘉樂講番城城向舞者致敬單嘢！同鮑姐一齊出席活動。城城向來有心！钱嘉乐
郭富城向舞者致敬環節暗寸ViuTV？錢嘉樂有嘢講…
