鄭俊弘首日開工即拍情緒戲　全靠黃宗澤功力深厚助入戲

鄭俊弘首日開工即拍情緒戲　全靠黃宗澤功力深厚助入戲鄭俊弘（Fred）在《法證先鋒V》做黃宗澤（Bosco）飾演余星柏的頭號弟子湛霆，昨晚一集講述Fred跟Bosco在海邊散心，說到委屈時忍不住喊出來。Fred透露原來首兩天開工，便要拍攝與Bosco海邊真情剖白戲，幸好二人順利過關：「第一、二日開工已經要拍情緒戲，當時我同Bosco都未係好熟，未有嗰種信任同關係，但導演就猛話：『你得嘅！』好彩最後都OK，Bosco非常之好，佢嘅功力令拍攝非常舒服，大家都知道做感情戲個對手好緊要。呢個角色喺第四同第五輯嘅分別好大，希望帶到新鮮感畀觀眾。」Fred又謂很開心能挑戰自己一口氣拍攝這麼多Heavy場口：「我好享受準備演呢啲戲嘅過程，係辛苦同唔好受，但作為演員我係鍾意嘅。最主要嘅準備功夫都係心情，例如下晝拍唔開心嘅戲，咁就要成朝都要Keep住唔開心，要不斷嘗試代入角色嘅心情，雖然好多都係憑空想像，但都會處於一個好唔開心嘅狀態，感覺係辛苦嘅。」《法證先鋒V》昨晚全集由鄭俊弘帶住。多場內心戲。情緒大爆發。同黃宗澤傾心事。全靠黃宗澤令現場氣氛輕鬆。鄭俊弘更加投入演出。法证先锋5黄宗泽郑俊弘