唐詩詠視后叫四飛 自認唔係親生女難爭獎藝人唐詩詠今日（25日）於大埔出席公開活動，她於今年台慶頒獎禮視后「叫四飛」，問她可有信心奪獎？詩詠笑言：「其實4套都唔同種類，好難揀，最想攞最佳劇集，但又有強勁對手《下流上車族》，我都好鍾意呢套劇。（會唔會覺得唔係TVB親生女贏面會冇咁高？）哦，都好明白，有就喜出望外啦。」詩詠指都想陳展鵬奪視帝，因對方於《超能使者》中精神病與康復者之間的情感互換，做得非常出色。TVB台慶夜爆發染疫潮，詩詠指都有致電她的髮型師問候：「因為佢有去到，其實大家都好辛苦咁排練，免疫力低咗，當晚大家都表演得好好。」詩詠指日前曾見過有去台慶的張曦雯，之後亦會見黃翠如兩公婆，蕭正楠當晚有去台慶，但眾人都有做檢測沒事，而詩詠自己都有Keep住做快測，因始終家有老人家，安全最緊要。講到台慶頒獎禮，唐詩詠直言最想拎「最佳劇集」。自己都明白唔係親生女爭視后贏面較細。最睇好陳展鵬拎視帝。講到台慶爆疫，唐詩詠指身邊唔少朋友當晚有出席，所以都有做快測求安心。唐诗咏
唐詩詠視后叫四飛 自認唔係親生女難爭獎
