官網直播台慶︱李佳芯忽然「被消失」轉播宣傳片無綫《傳承．狂歡55：萬千星輝賀台慶》喺（19日）順利完成，當日一眾藝人盛裝行紅地氈，TVB官方微博同時開Live直擊現場盛況，不過有網友留意到當李佳芯（Ali）同陳展鵬出場時，官網就突然中斷直播，仲插播劇集宣傳片，令人摸不着頭腦。Ali當晚身穿紫色露背晚裝出席，佢同陳展鵬一齊行紅地氈，但TVB官方微博及埋堆堆APP直播版本就只Cut走呢個畫面，並轉播劇集宣傳片，唔少睇直播嘅網民都話奇怪，不過更奇怪嘅係當網友留言問咗咩問題時，佢哋打出「李佳芯」三字更成為敏感詞，屏幕顯示為「你發表的內容不符合法規，無法發送」，直至Ali同陳展鵬行完之後先恢復紅地氈直播畫面。本身嗰日紅地氈Ali係咁嘅樣。點知節目出街，得Ali被Blur樣。其他Version仲見到佢。網友都覺得好奇怪。連想打出「李佳芯」三字都唔得…
官網直播台慶︱李佳芯忽然「被消失」轉播宣傳片
