馬在驤帶芬蘭籍女友現身！馬德鐘冇諗過催婚藝人馬德鐘（Joe）與太太張筱蘭、兒子馬在驤與芬蘭籍女友，今晚（26）出席慈善晚宴。記者笑問Joe是否很快飲新抱茶，他笑言：「冇咁快。（拍咗好耐拖？）唔知拍咗幾耐，但我知到冇耐，佢哋返嚟放假。」張筱蘭對「未來新抱」讚口不絕：「佢好好，本身係護士，佢哋游水識嘅。」Joe表示：「仔大仔世界。」相信兒子識處理感情事。記者再問會否「催婚」，可快點抱孫，他說：「完全冇呢啲諗法，佢最緊要做好自己嘢先，佢仲讀緊碩士，我哋叫做多咗個朋友囉。（同兒子傾點照顧女友？）唔使，托賴佢不嬲對人幾好，應該識照顧人嘞，佢似媽咪。」張筱蘭即說：「都似爸爸。」談到憑劇集《雙生陌生人》入圍角逐本屆視帝，Joe坦言對自己有信心：「撇開觀眾反應，我幾滿意自己嘅演出，而且難度高。（邊個係強敵？）我想陳山聰攞，大家好朋友，佢今年又咁多作品，但陳展鵬同林敏驄近期好Hit，今次頒獎禮一定好睇！」馬在驤（左）帶芬蘭籍女友現身。張筱蘭對「未來新抱」讚口不絕。馬德鐘冇諗過催兒子結婚。马德钟#马在骧#
馬在驤帶芬蘭籍女友現身！馬德鐘冇諗過催婚
