王君馨離巢無綫將推出新歌MV：原來做CG係好貴

王君馨離巢無綫將推出新歌MV：原來做CG係好貴藝人王君馨今日出席美容活動，已離巢無綫的她表示有份主演的劇集《超能使者》今晚大結局：「呢套係我最後一套無綫劇，今晚播完就劃上完美句號。」談到新的工作安排，她透露將推出新歌MV，新歌籌備長達逾兩年，是金錢及時間上投資最多的一首歌：「因為首歌做咗CG，原來做CG係好貴，比普通MV貴好多。其實個MV上年拍咗，但要做後期，加上我有少少完美主義者傾向，好多細節位要執，所以搞咗咁耐，依家啲觀眾嘅欣賞角度好國際化，所以我都想達到高啲嘅水準。」王君馨離巢無綫將推出新歌MV。她指趕於年底出歌並非為頒獎禮爭獎，只想自由自在做自己喜歡的歌曲。除了新歌，君馨將於年尾參與一個大型的舞蹈騷，現時要努力健身增肌及通淋巴，實行以最佳狀態示人：「個騷係想表揚舞者，希望大家放多啲焦點喺香港舞者同排舞師身上，畀多啲舞台佢哋發揮。」問到君馨將來會否再拍劇或拍電影？她坦言拍劇要花太長時間，故暫時不會，反而電影可考慮：「我已經睇緊幾個電影劇本，有泰國、台灣同美國，都幾開心，同外國團隊合作可以有更多啟發，仲可以趁機環遊世界。」王君馨表示原來做CG係好貴。王君馨