蔡思貝認有約胡鴻鈞食飯 預告聖誕節咁樣過！視后蔡思貝今日（4日）出席商場聖誕慈善活動，為腦退化症患者送祝福，透露外婆近年亦患上該病症，幸雙方屋企住得近，故除了請工人姐姐，媽咪及一眾親戚也會輪流照顧婆婆，婆婆亦最喜歡到其家中玩狗仔，問到可擔心遺傳該病症？思貝說：「同屋企人都有傾，但係同唔係都冇得控制，總之要活好生命，開開心心啦！」正在放假的她，不諱言也心郁郁想出埠，但另方面又不想拋低家人，令其相當矛盾，最後決家留港陪家人：「我個心願係儲到錢請屋企人去旅行，因為哥哥長期喺蘇格蘭，疫情關係好耐冇返嚟，所以好希望一家人聚埋一齊。」與胡鴻鈞關係一直疑幻似真，問到現時雙方關係，思貝卻不斷避談，只表示：「佢最近返咗嚟，都有見面食飯，講吓近況。（聖誕節會唔會約埋一齊慶祝？ ）到時會約一班好姊妹開派對，全女班，如果有個男仔加入會好唔夾。」蔡思貝避談與胡鴻鈞關係。蔡思貝聖誕會約一班好姊妹開派對。蔡思貝認有約胡鴻鈞食飯。蔡思贝胡鸿钧
蔡思貝認有約胡鴻鈞食飯 預告聖誕節咁樣過！
