蕭正楠街頭快閃Busking：Hea咗咁多年依家要加把勁！

蕭正楠街頭快閃Busking：Hea咗咁多年依家要加把勁！藝人蕭正楠（Edwin）、伍仲衡（Harry）與區永權（Albert）將於明年1月合作開騷，今日（4日）在旺角街頭Busking為演唱會作宣傳，吸引數十粉絲捧場，3人今日會先後到四個地區快閃唱歌。他們指演唱會門票銷售情況理想，未開始宣傳已賣出8成，只剩餘少量山頂位，希望能趁今次宣傳一次過賣掉，待所有門票沽清後再考慮加場問題。Edwin透露3人剛推出合唱歌，他亦有首獨唱新歌曝光，這個月是宣傳期：「之前Hea咗十幾廿年，依家要加把勁。」Harry表示演唱會已籌備得七七八八，但未正式綵排，至於嘉賓方面，問到Edwin的太太黃翠如是否會上台開金口？Edwin笑言：「佢答應咗一半，佢會嚟但未必上台，畀多兩星期時間我說服佢，佢對自己好有信心，但我對佢冇信心，佢唱嘅歌比較特別，佢唱開歌劇，佢自己以為囉！哈哈！」而現場所見，Albert的手指包上膠布，他解釋昨晚為東華籌款爬包山，爬完包山手指便敏感腫起來。伍仲衡（左起）與蕭正楠、區永權一齊開騷！同埋粉絲影大合照！快閃Busking！萧正楠