被總經理爆得票最少 視帝大熱林敏驄隨時入唔到10強藝人林敏驄與《下流上車族》演員在《歡樂滿東華2022》中獻唱劇歌籌款，之後與無綫總經理曾志偉一同受訪，其後2人演變成鬥嘴和掌嘴，十分搞笑。講到阿驄早前指志偉「人間蒸發」，志偉稱：「蒸發完凝固就出嚟，今晚做善事，你呢個咁嘅人都出嚟啦！（阿驄話你無邀請佢去頒獎禮？）識佢幾10年，請佢唔嚟，佢鍾意不請自來，呢種人會借乞兒兜，今日做善事出來唱歌，證明佢山窮水盡！」阿驄自稱不懂頒獎禮遊戲規則不會拉票，志偉戲言叫他「賄賂」總經理，阿驄竟說不需賄賂，請個高挑Model便可：「你就擒上去。」隨即遭志偉連環掌摑數巴。問到是否已傾好視帝？志偉表示從來冇傾獎，今年是抽獎：「睇佢入唔入到10強先啦！據我所知他票數最少，因為大家見到佢張票就撕掉。」隨後阿驄回復正經，表示要講「人話」：「如果唔係志偉搵我做，我諗呢世都唔會拍劇，會支持和幫手，求其做也不失禮。」志偉笑指阿驄求其做也得視帝。另外是次請來譚詠麟帶領《聲夢》和《聲夢2》畢業生合唱揭開序幕，志偉稱譚詠麟是校長，故會提攜同學。林敏驄與《下流上車族》演員唱歌籌款。曾志偉同林敏驄不停鬥嘴。林敏驄更一度被曾志偉掌嘴。視帝大熱嘅林敏驄被爆暫時得票最少。不過曾志偉亦笑稱林敏驄求其做都得視帝。兩人其實好老友。林敏驄
被總經理爆得票最少 視帝大熱林敏驄隨時入唔到10強
