陳凱琳谷奶又彈又跳玩變裝　網友戥佢巨肚擔心

陳凱琳谷奶又彈又跳玩變裝　網友戥佢巨肚擔心藝人陳凱琳（Grace）依家正為老公鄭嘉穎佗緊第三胎，上圍明顯升Cup嘅佢，依家好身材遮都遮唔住，近日佢就拍變裝片，着上多套大肚裙仔係咁又彈又跳，頻頻高舉雙手，仲左揈右揈，巨肚忽然顯得更凸出，似足已經懷孕8個月就生得咁，BB大得快，媽咪又谷奶，搞到網友都好擔心佢係咁un，完全犯晒大肚婆禁忌，仲要夾出事業線拍片sell貨，紛紛勸佢多休息，做個靚靚大肚婆。係咁扭。仲跳到咁！明明個肚大到好似就生得咁。仲谷胸。露埋背。唔好以為平平無奇。同時佢仲佗住巨肚去為好友龔嘉欣慶祝生日，佢仲好有心去為對方準備生日P，同場亦有譚凱琪等，雖然今次Grace包到上心口，又着上長袖上衣，不過反而更顯得佢肚凸凸，睇嚟佢今次孕肚大得好快。去幫好友慶生，都凸住個大肚。陈凯琳