「舊星夢幫」疑失勢 吳若希個唱要自己搵贊助曾被封為「星夢一姐」嘅歌手吳若希（Jinny），早年被星夢唱片（現改為TVB Music Group，簡稱TMG）捧紅，不過隨住依家新一批《聲夢傳奇》出身嘅師弟妹有出頭天，一班「舊星夢」歌手即被指不受重視，今年派台歌寥寥無幾。當中吳若希上月15日宣布開演唱會，24日公開發售，但去到12月11日就開騷，不足一個月時間去令外界消化事件，即被指舉行倉卒，今日（9日）更有傳公司一直未搵到贊助商，所以一直未能落實冠名一事，搞到要吳若希親自搵贊助，最終得好友林盛斌（Bob）「夾一份」，同時亦幫手搵到贊助商，令人質疑「舊星夢幫」失勢。有指今次個騷本身咩贊助都冇。其實今年吳若希只有一首歌《慢鏡》派台，而今日開騷嘅譚嘉儀都係得兩首新歌，JW除唱4首劇集主題曲外，公司亦有幫佢出4首單歌，共8首歌。而「舊星夢」出歌，MV會放喺「TVB Music Group」官方頻道播放，但「新聲夢」則會放個人頻道。全部都係靠吳若希自己親自搵贊助。唔通「舊星夢幫」真係失勢？吴若希
「舊星夢幫」疑失勢 吳若希個唱要自己搵贊助
