姚焯菲獲馮允謙寫歌　最想唱R＆B！

姚焯菲獲馮允謙寫歌　最想唱R＆B！歌手馮允謙（Jay）與「國民初戀」姚焯菲（Chantel）今日（11日）出席商場活動，獲大批粉絲撐場，期間二人分別獻唱歌曲炒熱氣氛，場面熱鬧。身為後輩的Chantel坦言一直希望與對方合作：「之前佢喺節目度同Archie合唱，我喺出邊聽都已經起晒雞皮，真係好好聽。（會唔會想叫Jay寫歌畀你？）梗係想，最好係R&B。」Jay也大讚Chantel後生兼有潛質，笑言她外表成熟，一點也不像16歲，更難想像她參賽時僅得14歲，問到他可會寫歌給Chantel，Jay說：「都想，佢適合慢啲嘅R&B。（咁合唱呢？）寫咗歌先啦，睇吓佢收唔收貨。（寫歌前要唔要了解吓對方？）都需要，因為要先了解個人同埋故事，不過我自己啲歌都未寫掂。」談到聖誕將至，他透露雖然家人及女友不在身邊，幸能夠於工作中度過，不用過孤單聖誕節，Chantel則表示正忙於考試，希望聖誕能夠睡餐飽。姚焯菲希望與馮允謙合作。姚焯菲最想唱R&B！姚焯菲獲大批粉絲撐埸！馮允謙大讚姚焯菲後生兼有潛質。姚焯菲Chantel