紅顏知己！黃宗澤兩年生日都同呢位女星過？男星黃宗澤（Bosco）今日（13日）42歲生日，喺工作中度過嘅佢，獲好拍檔蔡潔專誠送上「胳肋底」形狀嘅生日蛋糕，佢更透露原來蔡潔係連續兩年為佢慶生：「上年又係同你過，今年又係同你過！多謝你呢兩年為我準備蛋糕！P.S 今年個『胳肋底』蛋糕好靚呀！」蔡潔則表示：「說到做到，生日快樂！」其實Bosco同蔡潔合作無間，去年2人合作《法證先鋒V》，現時又合拍電影《驅魔龍族馬小玲》，加上《法》劇現正熱播，佢哋戲裏戲外都咁老友，真摯友情令人羨慕。黃宗澤42歲生日。於工作中度過。原來蔡潔兩年都孖住佢開工，兩年都同佢慶生！今年送「胳肋底」蛋糕！黄宗泽蔡洁
紅顏知己！黃宗澤兩年生日都同呢位女星過？
