譚俊彥龔嘉欣視帝視后10強不入 《下流上車族》玩晒封「劇王」無綫今日（14日）公布台慶頒獎禮各獎項打入10強的名單，「最佳劇集」方面，10強有《愛‧回家之開心速遞》、《愛上我的衰神》、《金宵大廈2》、《回歸》、《白色強人II》、《痞子殿下》、《美麗戰場》、《下流上車族》、《超能使者》及《法證先鋒V》。而「視帝」10強分別是丁子朗、陳山聰、郭晉安、陳豪、馬國明、周嘉洛、林敏驄、陳展鵬、黃宗澤及黎耀祥。而「視后」10強則為李施嬅、高海寧、陳煒、胡定欣、張曦雯、陳瀅、劉佩玥、鮑起靜、江美儀及唐詩詠。龔嘉欣視后10強不入。上屆視帝譚俊彥今年無望冧莊。女演員最多打入10強提名為JW及劉佩玥，各有4項，之後的為陳瀅、江美儀、麥美恩、郭柏妍、劉穎鏇，而被視為「視后」大熱的龔嘉欣竟然10強不入。男藝人方面，最多提名的是林敏驄，有4項提名打入10強，而有3項提打入10強的有陳展鵬、陳山聰、吳偉豪、周嘉洛、林盛斌，令人意外的是譚俊彥，「視帝」及「最受歡迎電視男角色」等獎項都10強統統止步。有份以劇集《18年後的終極告白2.0》沈越一角打入「最喜愛電視女角色」10強的龔嘉欣於台上說的話亦似有所指，她謂：「我覺得每一個角色喺套劇入面都好重要，冇提名唔代表冇實力，我拍呢套劇時都好有壓力，因為我驚做得唔好會影響成套戲，有幾場好重要好重要嘅戲我要多謝阿Shaun（譚俊彥），雖然佢今日無嚟，我同佢係同一類人，我哋都係博到盡嘅人，永遠最危險嘅嘢我哋都會揀嚟自己做，好幸慶今次拍檔係佢，有佢同我一齊去博，好似我拍《殺手》時嘅傷到今日仲睇緊物理治療，我隻手指尾永遠都係咁樣斷咗，有一日同小姐（樂易玲）喺房傾嘢時，佢捉住我隻手都好心痛，佢都同我講原來我由10幾歲做到30幾歲仲喺娘家，妳放心，我一定會繼續做落去。」龔嘉欣都有到場。入圍「最受歡迎電視女角色」。劉佩玥（左2）及JW（右2）各獲4項提名，成最多提名女藝人。吳偉豪都有3項提名打入10強，僅次於林敏驄。而今年「劇王」可說是《下流上車族》，共有14項提名打入10強，而《超能使者》亦相當厲害，有9項提名入10強。而江美儀和林敏驄憑《下流上車族》角逐「最受歡迎電視拍擋」順利打入10強，林敏驄未有出席，江美儀獨力在台上拉票，稱與林敏驄一點也不熟落，劇集拍完之後無聯絡，直言：「我同阿驄係非一般火花，只有我搞得掂佢，所以呢個獎應該畀我哋。」笑指其他人出去搵錢，獎留給她和阿驄，全場拍掌歡呼。至於安德尊角逐「最佳男主持」，在場掌聲最多，他上台拉票時先質問主持黃建東和鄭洐峰為何只提《360秒人生課堂》和《思家大戰》：「一句都冇提《流行都市》，我問你《流行都市》幾點播？夜晚重播係幾點？」黃建東嚇到口窒，安德尊再說：「我講就冇意思，你哋今日返去每人睇一次。」之後他打圓場，其實只是來開心一下。《下流上車族》最多10強提名，成今屆「劇王」。江美儀為冇到場的林敏驄拉票。最佳女配角10強。最佳男配角10強。谭俊彦
譚俊彥龔嘉欣視帝視后10強不入 《下流上車族》玩晒封「劇王」
