孖炎明熹「母女檔」睇騷 陳煒力撐：期待妳的紅館Show歌神陳奕迅（Eason）紅館演唱會成為近期熱話，連「聲夢人氣王」炎明熹（Gigi）都有去捧場，佢喺社交網大晒多張睇騷相，原來今次佢係同「媽媽」陳煒同行一齊睇演唱會，見佢哋「兩母女」喺台下舉晒V表現興奮，Gigi亦表示好滿足：「很開心，嘿嘿，很精彩，哈哈。」其實陳煒同Gigi因於劇集《青春本我》中飾演兩母女而結緣，早前陳煒結婚時，Gigi都有送上親手整嘅禮物，關係相當好。而陳煒亦有留言，睇好Gigi都有日能夠踏上紅館舞台開個唱：「期待妳的紅館show！」炎明熹睇陳奕迅紅館演唱會。勁興奮！原來係同陳煒一齊睇！陳煒睇好Gigi早日開紅館Show！炎明熹陈炜
孖炎明熹「母女檔」睇騷 陳煒力撐：期待妳的紅館Show
