【01娛樂】陸浩明同無綫傾續約　傳余詠珊挖過檔：我係公開貨物嚟

【01娛樂】陸浩明同無綫傾續約　傳余詠珊挖過檔：我係公開貨物嚟陸浩明（6號）今日（16/12）現身銅鑼灣出席無綫賀年節目《新春開運王》拍攝工作。6號指出每逢難得拍攝賀年節目，必定借機問李丞責師傅問來年運程：「今次主要問吓我幾時可以置業，因為近排美國加息，樓價開始回落，變咗呢排我心大心細成日係度睇。（咁急睇樓係咪準備下年結婚？）其實置業，結婚生小朋友，係好希望下年會成功到，首要一樣嘢，如果買到層樓，就可以成家立屋邁向終點，」陸浩明今晚為《新拍開運王》開工。（葉志明攝）另外6號同無綫還有兩年合約，雙方就續約問題仍在磋商：「大家都有傾，過程愉快嘅。（余詠珊有冇搵你過檔開電視？）其實冇所謂嘅，喺市場上我哋係公開嘅貨物嚟，而我同無綫一路合作都好好。（有冇諗跳槽先？）暫時呢一刻就冇諗過，如果可以跳的話，我想跳去荷里活轉做幕後，由低做起。（余詠珊有冇聯絡過你咩？）暫時呢一刻冇聯絡，而我呢一刻係同Tvb緊密聯繫住嘅，大家仲傾緊。（劃清界線！）我唔係劃清界線，如果佢真係有搵我，我咪話有搵囉，咁真係冇搵嘛。不過我就覺得電視行業最好就百花齊放，每個電視台有唔同嘅製作，有新嘅唔同嘅藝人我會覺得開心啲。」陸浩明透露來年想置業娶老婆。（葉志明攝）陆浩明