文凱婷興奮與炎明熹爭獎 恨同林敏驄合唱！《聲夢》學員文凱婷（Aeren）今日（18日）出席商港聖誕活動，透露準備了兩首歌獻唱，其中一首更是由朋友為她改編的韓文歌：「呢首歌嘅來源係有一次做完嘢搭車返屋企，因為實在太攰，所以喺音樂平台Loop歌聽，就發現咗呢首韓文歌，我聽到嗰個音樂背景好有感覺，之後就搵朋友幫我填咗中文詞，最近仲擺咗上我嘅網上平台播放。」談到她與林敏驄合唱的《下流上車族》主題曲《一家人》，打入《萬千星輝頒獎典禮2022》的「最受歡迎電視歌曲」十強，她表示相當興奮，更指雖然與炎明熹（Gigi）角逐同一獎項，但也有投對方的入圍歌曲一票，問到可有投林敏驄視帝一票？她說：「梗係有，我仲截埋圖添！（想唔想再同阿驄合唱或者合作拍劇？ ）兩樣都想，不過好似最近佢將首合唱歌出咗獨唱版，唔知係咪想飛起我。（定係佢諗住用「魔音芊芊」郭柏妍取代你？）唔好呀，可能我哋3個一齊合作仲開心呢！」文凱婷興奮與炎明熹爭獎。炎明熹都有份入圍。《下流上車族》主題曲打入「最受歡迎電視歌曲」十強。文凯婷Aeren
文凱婷興奮與炎明熹爭獎 恨同林敏驄合唱！
