堅持搞春茗︱古天樂勁怕中招 咳一聲即戴罩古天樂昨晚網絡平台頒發「年度風雲人物」獎，他對獲獎感開心，證明自己的努力沒有白費，並感激大家在網上搜尋他。談到新年願望，他希望身體健康，疫情早日過去：「就算未過，都希望啲防疫措施可以鬆一鬆，因為過去幾年大家防疫都比較攰，想出去玩吓。（你會唔會想同家人出外旅遊？）想、但我父母年紀都大，如果喺外地中咗就麻煩 又怕有併發症，所以都係等疫情穩定啲先。依家都盡量唔出街，但都難。」他自爆身邊有不少朋友第二次確診新冠，所以自己都很小心，連接受訪問都會戴上口罩，問他在家會否也戴口罩，他說：「睇情況，有時突然咳一聲，我都擔心，咁咪戴番口罩，但始終全家一齊食飯，好難成日戴口罩。」另外，其投資的電影《明日戰記》票房理想，問何時舉行祝捷會？他坦言：「我依家拍緊新戲，暫時未有時間慶，希望農曆新年搞個春茗大家食餐飯。（預攞幾多錢出嚟慶祝？）唔好乜都講錢。（要獎勵吓員工吖嘛。）咁一定會，呢幾年都冇一齊坐低食過飯，所以想搞春茗，呢個意義緊要啲。」仲有唔少朋友第二次確診。所以佢都戴實口罩，一有咳就警惕古天樂話父母年紀都大，依家都冇乜出街。古天乐
堅持搞春茗︱古天樂勁怕中招 咳一聲即戴罩
