獨家丨黎耀祥拍《回家》發放正能量 被舊街坊圍睹 ：屋邨仔可變視帝TVB台慶特別節目《回家》，講述12位藝人、傑青及知名人士在屋邨成長的故事，其中視帝黎耀祥是其中一位嘉賓，他曾經在順利邨居住10多年，當年他沒諗過自己在娛樂圈闖出成績，透過分享來鼓勵大家。 文：娛樂組黎耀祥返成長地順利邨拍攝TVB台慶特別節目《回家》。好多街坊睇住祥仔做節目。現場派米、口罩及止痛膏等。香港有不少藝人及知名人士在屋邨長大，更是香港人的集體回憶，TVB特別節目《回家》邀請12位嘉賓分享屋邨成長的經歷，包括黎耀祥、謝君豪、森美、黎諾懿、導演韋家輝及其弟韋家雄、前高官黃錦星、運動員黃金寶等等，而第3集嘉賓正是黎耀祥，節目將於1月5日在翡翠台播出。感覺好親切早前黎耀祥為節目回到順利邨拍攝，探街坊之餘還尋找舊日的足跡，更邀請幫襯了三代的丁醫生，即場為街坊量血壓，以及安排訓練班同學仔幫手派米、送口罩及止痛膏等，街坊反應熱烈，有些街坊還說認識他的媽媽，他在現場被街坊包圍，感覺好親切。祥仔三代都係睇身後的丁醫生。即場為街坊量血壓。他說：「14、5歲搬入順利邨住，由讀書到出來社會工作，經歷好多重要階段、有很多回憶。我哋三代都係睇丁醫生，他還未退休，現時有問題都會問他意見，阿仔有病都係搵丁醫生，過時過節亦會發短訊問候。」此外，祥仔也探訪了當年住在隔離的鄰居，他說這家人沒有搬，見到面十分親切。他又到過當年經常幫襯的雜貨舖及電器舖，他指兩舖經營40多年沒有轉手，而電器舖的女孩還記得他買過燈泡。機會永遠在前面祥仔覺得這個節目很有意義，娛樂圈好多天王、天后出身於屋邨，透過節目可以勉勵低下階層不要放棄，機會永遠在前面，只要努力一定有機會令生活愈來愈好。祥仔正是一個好例子，他沒有人脈背景，在娛樂圈有今日的成績全靠自己的努力，他笑言沒諗過屋邨仔成為視帝，證明堅持理想、夢想，總有一日會成功！黎耀祥
獨家丨黎耀祥拍《回家》發放正能量 被舊街坊圍睹 ：屋邨仔可變視帝
