回家｜黎耀祥重返昔日成長屋邨勁感觸：媽媽雖然走咗，但好多老朋友仲健在TVB節目《回家》周四晚播出的一集有三屆視帝得主黎耀祥擔任嘉賓，將重返近四十年前的成長地 — 順利邨，探望在該處住足近四十年的鄰居之餘，並四處找尋昔日店舖老闆好友、店員及老街坊足跡。【點擊睇黎輝祥成長的地方以及絕密街坊合照】：第三集嘉賓係視帝黎耀祥。祥仔重遊昔日單位，並順道拜會當年與父母份屬友好的街坊。祥仔同好多舖頭嘅老闆同員工都好熟，一見番即刻雞啄唔斷。祥仔買嘢飲萬歲圍觀街坊，隨即惹起哄動。祥仔同昔日街坊兼同學仔吳瑞庭雖然已經成廿年冇見，但兩人一見番就勁好傾， 並不時展現出真摯開心的笑容。節目入面仲有二人昔日合照，其中一張仲見到周海媚添。二人神還原當年合照甫士，無論姿勢同表情都跟到足。祥仔帶領訓練班師弟師妹一齊回饋街坊，十分有心。祥仔帶領訓練班師弟師妹一齊回饋街坊，十分有心。 談到當年屋邨生活，祥仔甚是回味，尤其是六點半 新聞報道的前奏音樂，更是屋邨左鄰右里開飯的提示聲音：「嗰時大家唔使睇鐘，一聽到 TVB 新聞報道之前嗰個音樂，你就知係六點半，大家就會開始食飯。」祥仔續指屋邨井 字型設計，令家家戶戶飯香四處飄溢，以港式香味緊扣港式人情味：「就算冇乜接觸人， 仍然感覺到好有人情味。你唔使約定架，原來大家都喺度做緊同一樣嘢。」祥仔又謂這 次回家，讓他感覺到上一代之前在邨內建立的人際關係及感情得以延續，祥仔感觸謂： 「屋邨嘅故事，亦係人與人之間嘅故事，都係一種傳承。我媽媽雖然走咗，但佢好多老 朋友仲健在，我感覺到媽媽嘅感情依然留喺順利邨。」傳承了雙親重情義一面的祥仔，趁難得舊地重遊良機，帶領新一屆藝訓班學員們，與看 著自己長大的丁醫生齊齊義務為年長街坊測量健康指數；其間祥仔除不斷說笑替街坊紓 援緊張情緒，還到小時候經常幫襯的士多買飲品派街坊，旋即掀起 Selfie 及集郵熱。是 集製作組炮製的驚喜，是找來祥仔昔日藝訓班好友兼舊街坊吳瑞庭為祥仔煮麵兼話當年； 已有近二十年沒有聯絡的二人，久別重逢依然雞啄唔斷，祥仔更忽然興起與瑞庭神還原 昔日拍下的珍貴合照，祥仔笑言：「睇吓，都仲係咁靚仔（指吳瑞庭）！注定你係偶像派， 我係實力派啦。」黎耀祥
回家｜黎耀祥重返昔日成長屋邨勁感觸：媽媽雖然走咗，但好多老朋友仲健在
