蕭正楠個唱邀黃翠如做嘉賓：佢真係好努力練歌！藝人蕭正楠、區永權及音樂人伍仲衡將於1月6日於伊利沙伯體育館舉行演唱會，3人昨晚（3日）為音樂會進行綵排，演唱會嘉賓、區永權的11歲兒子區靖崋亦有一同綵排，有姿勢有實際。問到綵排進度，伍仲衡説：「跳舞最難，排完轉頭唔記得晒。」伍仲衡除了要唱歌跳舞外，亦要為演唱會編歌至通宵，蕭正楠笑言提醒對方不要猝死。問到有否擔心騷前染疫？3人均表示已中過招，蕭正楠更笑稱自己是「陽過」，他又指太太黃翠如將擔任嘉賓，問到會否合唱？他笑謂：「睇吓大家覺唔覺得佢係唱歌定係旁白啦，哈哈！不過佢真係好努力練歌嘅，佢好支持個演唱會，唱唔唱已經唔係重點，佢畀我嘅支持已經好足夠。」身旁區永權笑指大家也爭着與翠如合唱，相信這環節應會威震伊館。問到這段時間黃翠如有否為蕭正楠下廚？他笑謂：「其實佢都好好㗎啦，唔好迫我啦，哈哈，佢有揸車接我返屋企，有買嘢畀我食，係咪佢煮唔重要，最重要係佢。」蕭正楠、區永權及伍仲衡為演唱會綵排。區永權的11歲兒子區靖崋亦有一同綵排。伍仲衡除了要唱歌跳舞外，亦要為演唱會編歌至通宵。蕭正楠指太太黃翠如將擔任嘉賓。透露翠如正努力練歌！萧正楠
蕭正楠個唱邀黃翠如做嘉賓：佢真係好努力練歌！
