孖老公甜住出活動　林夏薇爆林峯將返港過年

孖老公甜住出活動　林夏薇爆林峯將返港過年林夏薇罕有偕有米老公莫贊生出席百萬行的公開活動，她表示今次非以無綫藝人而是嘉賓身份現身：「我老公係嘉賓，我就代表好多個界別，除咗見番啲藝員同事，又見到代言公司代表，同老公一齊私下有出席活動，但公開就好少囉，今次為慈善。（同老公影張合照？）佢好怕醜㗎。」林夏薇罕有同老公莫贊生一齊出席公開活動。現場就唔肯合照，社交網就任post唔嬲。佢仲大爆林峯農曆新年會返嚟香港過。薇薇話農曆新年終可會和家人共聚：「因為疫情，都4年冇同家人一齊過年，林峯都會返嚟，仲有我父母，但唔係一定嚟我屋企。」她又講到之前連拍三齣劇，雖然工作忙到冇停過，但感覺充實，未來拍新劇再想嘗試新角色，畀觀眾認識她不同的一面：「好似亦正亦邪嗰啲。（係咪想憑角色再競逐視后？）我演戲唔係為攞獎，雖然獎項係鼓勵，（有傳你由邵氏簽番無綫喎？）冇，冇任何轉變喎。」唔知佢哋幾耐冇見呢？堂兄弟姐妹係要meet嘅。今次佢係以嘉賓身份現身，唔係無綫藝人。