生日睇BLACK PINK尾場 郭可盈愛女自爆想入行郭可盈與林文龍一向錫阿女林天若（Tania），前日（14日）係Tania 13歲生日，佢就有Daddy Mammy為佢喺西貢匡湖居四層獨立屋搞P，現場以大量粉紅色氣球布置，加埋着上粉紅色連身短裙嘅Tania，真係少女味爆棚！而佢最開心就係咁啱呢幾日生日，正正係韓國女團BLACK PINK嚟香港開騷嘅日子，佢又有得入場睇騷，睇得出佢都勁High勁投入。Tania係咁晒啲未曝光嘅合照。佢話自己已經有161cm高。同爸爸林文龍幾似樣。不過最估唔到嘅係，Tania同網民玩Q&A時，佢晒出多張珍貴合照，網友問佢要唔要入行繼承父母演員衣鉢時，佢就直認對音樂比較有興趣，不過做演員都係個好體驗，又表示未來希望從事音樂相關工作，製作人、創作歌手、唱跳藝人或作曲家等都係佢目標之一。一轉眼就13歲，大個女。Daddy Mammy為佢開P，仲有得睇BLACK PINK騷。好有音樂天分。最想係加入音樂界。講到明想入行。郭可盈
生日睇BLACK PINK尾場 郭可盈愛女自爆想入行
