陳山聰慶功飯食唔完　Crazy Runner聚頭賀封帝

陳山聰慶功飯食唔完　Crazy Runner聚頭賀封帝藝人陳山聰早前於《萬千星輝頒獎典禮2022》勇奪視帝，人緣甚好嘅佢慶祝活動不斷，除早前與劇集《超能使者》一班演員設宴慶功外，呢日佢再與Crazy Runner一班好友包括胡定欣、胡蓓蔚與老公單立文、袁偉豪與老婆張寶兒等飯敍，眾人更送上兩個大蛋糕，其中一個蛋糕印上視帝獎座及當日陳山聰封帝嘅照片，另一個蛋糕更有山聰卡通公仔，好有心思。張寶兒網晒大合照，並留言：「終於有機會齊聚恭喜陳山O榮獲視帝！」陳山聰則開心答謝：「多謝家嫂！」陳山聰早前奪視帝。袁偉豪、胡定欣等一班好友齊集為佢慶祝。陳山聰接受東網訪問表示：「好開心，尤其我哋呢班兄弟姊妹，喺呢10年入面佢哋都好支持我，大家都好似成為咗屋企人咁，所以我點都要抽時間同佢哋食呢餐飯。」佢又指原本今餐飯早已約好，現時攞獎可謂錦上添花：「其實本身呢餐係約食團年飯，咁啱撞正我又攞獎，所以就順便安排呢啲慶祝活動，簡簡單單開開心心傾吓偈。」蛋糕好有心思。精心設計。陳山聰笑指本身係約食團年飯，估唔到攞到獎變慶功宴。陈山聪