鄭欣宜馮允謙新春歌舞助興　雲浩影盆菜食到年初四

鄭欣宜馮允謙新春歌舞助興　雲浩影盆菜食到年初四歌手鄭欣宜（Joyce）、馮允謙（Jay）和雲浩影（Cloud）在剛過去樂壇頒獎禮都滿載而歸，新年將至，三人都會化身家中的「駐場歌手」，為拜年親友表演歌舞助興。Joyce表示小時候會在餐枱的轉盤上表演，最開心聽到笑聲和掌聲。Jay自爆：「我細個曾經係大肥仔，表演時啲肥肉跳吓跳吓，好搞笑！」Cloud說：「我到依家，媽咪仲會叫我喺親友面前表演彈琴唱歌，有啲尷尬！」3人去年在樂壇頒獎禮都滿載而歸。農曆新年美食特別多，而且每樣都好意頭，Joyce自小跟外婆生活，上海菜對她有特別意義。今年她與Jay和Cloud食團年飯，包括上海美食「全家福」的湯鍋，Jay和Cloud第一次品嘗上海傳統美食，感覺新鮮，Joyce就逐一介紹，並夾起大蝦分給他們說：「我屋企每年都一定要食蝦，祝福大家開開心心，嘻哈大笑！婆婆仲會用百葉包肉碎，整成好似春卷咁樣，同蛋餃一齊放入鍋，代表金元寶和金條，財福兼收。」Jay亦表示很懷念嫲嫲的手藝說：「我哋以前在加拿大過年，嫲嫲會整蘿蔔糕和炸角仔，我每次入廚房幫手，佢乜都唔畀我掂，因為廚房係佢嘅地盤。」而Cloud表示因為新年街市休業，無法買餸，家人預早買兩個大盆菜，由年卅晚食到大年初四。鄭欣宜同大家拜個早年。踏入兔年，Jay希望身體健康說：「近年因為太忙唔夠時間休息，體會健康好重要！」Cloud希望舉行演唱會，她說：「場地和形式都唔重要，最重要係擁有自己的演唱會，同埋希望繼續做到好歌曲。」Joyce的新年願望要成為一碟值回票價的「琵琶蝦」，她說：「最近我去咗一間老字號中餐廳食飯，餐牌有個餸叫『琵琶蝦』，形容到好好味。上枱只見好大隻碟，布置到好靚，但只有兩隻蝦。我最初係好驚訝，但食咗之後⋯⋯嘩，超好食。我嘅願望就係想成為Iconic（標誌性），例如開騷無論票價係點，觀眾都會認同『鄭欣宜』係信心保證和值回票價，我要做『琵琶蝦』！」Cloud希望舉行演唱會。飯後Cloud將一對桔和利是放在全盒上，她說：「放一對相連嘅桔，寓意好事成雙、成雙成對。」Joyce驚歎：「哎呀，我從來都唔知要放兩粒，唔怪之得我一粒咗咁耐啦！」全場爆笑。馮允謙祝大家身體健康。郑欣宜冯允谦