被讚唔再黑面 鍾嘉欣頻頻出巡Keep親民形象藝人鍾嘉欣近年因「黑面」風波令形象下跌，好在最近有網友為佢平反，指身在加拿大溫哥華定居嘅鍾嘉欣其實親民貼地，連喺廁所撞到要求合照都冇問題。唔知係咪收到風，知自己形象終於「被洗白」，就算生完細女Anika僅3個月，佢就已經成日孭住阿女出巡，繼日前抱細女同友人用餐，今次又晒出同Anika合照，面露溫柔笑容盡晒母愛，即使為阿女用Emoji公仔遮靚樣，或者包到實合照，都依然獲網友Like爆，仲大讚鍾嘉欣Keep得好，完全唔似係三個小朋友嘅媽咪，少女味依然滿瀉。鍾嘉欣（左一）最近心情好靚，抱埋阿女四處見人。笑口常開，難怪網友偶遇佢都大讚好Nice！睇嚟有女萬事福。钟嘉欣
被讚唔再黑面 鍾嘉欣頻頻出巡Keep親民形象
