同張寶兒有共識 袁偉豪獲贈言生兔B過好年藝人袁偉豪今日（22日）出席無綫賀年節目《喜氣洋洋玉兔賀新歲》，他表示大年初一開工是好意頭，希望今年多拍劇集、嘗試不同項目以及做好音樂，問到會否想生兔B？他坦言：「之前都有計劃，但要睇緣分。（有冇努力？）有，要互相調節，身體同時間上，緣分嘅嘢心急唔來，但我哋都好期待，尤其太太需要時間，喺心理上要作準備。（同太太商量過？）之前冇傾過，直到結婚兩周年有提過，大家都有共識，我哋一直都冇話好心急，當然長輩不時都想我哋快啲生個小朋友畀佢哋湊，但我哋冇畀壓力對方。（兔BB同你哋夾唔夾？）我哋尋日去咗觀音廟上香，師父話如果趕得切生兔B都係好年。」他又指自己年紀不小要加把勁！袁偉豪問過師父，趕得切生兔B係好年。依家佢同張寶兒就互相調節身體同時間。等你好消息！张宝儿袁伟豪
同張寶兒有共識 袁偉豪獲贈言生兔B過好年
