麥美恩睇唔過眼 自薦組製作團隊拍「迷你劇」超級怕熱的麥美恩（Mayanne）繼《痞子殿下》後，在去年夏天拍攝古裝賀歲劇《黃金萬両》，惟有以「被污辱」的方法自救散熱：「以為拍完《痞》還咗心願，拍《痞》係最幸運、最舒服，今次就愈拍愈熱，撞啱大暑熱到要除淨底衫，家燕姐望見我，好似我畀人污辱完咁，真係散唔到熱，但係一話埋位，我就一路排戲，一路着返衫，呢個係我唯一生存嘅方法。」拍攝時撞啱大暑，令她熱到要除淨底衫，大呻好似畀人「污辱」完咁。Mayanne指今次慶幸有「奶奶」薛家燕坐鎮，為喜劇節奏提速，笑謂薑果然愈老愈辣：「家燕姐拍好多處境劇，佢好似領袖咁，開工幾日就訓示大家節奏要快啲，好似講嘢急少少會好笑啲。」劇中扮演「龍九」巴辣又惡死的她，是鱷魚頭老襯底，實質蠢蠢地，與老公關埋房門床戲更笑料百出。Mayanne指今次慶幸有「奶奶」薛家燕坐鎮，為喜劇節奏提速。問到演慣「大笑姑婆」的她可會有厭倦轉營的時候，她笑說：「喜劇演員好啱我，開工好開心，好啱我性格，自己嘅能量可以感染到人，有價值令人開心，自己又開心，只要觀眾鍾意，都會繼續拍喜劇。」入行12年的Mayanne平時雖然大癲大肺，但也有自己的執著，希望能有自己的製作團隊，以製作人身份拍攝迷你劇：「做咗咁耐，有啲嘢睇唔過眼，可唔可以唔好咁慳，自己想做監製、製片，有啲嘢可以人性化、生動啲、靈活啲去處理，想有自己嘅製作，拍一啲6、7集嘅迷你劇。」演慣「大笑姑婆」的她，直言喜劇好啱自己。又指希望能有自己的製作團隊，以製作人身份拍攝迷你劇。麦美恩
麥美恩睇唔過眼 自薦組製作團隊拍「迷你劇」
