陳家樂過年前拍戲拍劇忙爆 新年小休回下氣藝人陳家樂農曆新年前後忙過不休，要同時投入無綫劇《異空感應》及英皇電影《衝鋒》拍攝的他，開工開到靈魂出竅，難怪他笑說：「過年前踩咗幾個通宵，之後放到3日假，日日喺度食、瞓及陪屋企人。放完假成個人好似重生一樣，《衝》片嘅戲份亦已完成，終於有機會回氣嘞！」陳家樂新年前影視兩邊忙。街頭開工被野生捕獲。日前他於街頭開工，被粉絲野生捕獲。家樂化了一個「受傷妝」，全程顯得相當投入。他表示：「拍街景好似做緊市場調查咁，依家市面氣氛真係好番好多，條街多咗人，大家見我拍嘢都有同我打招呼及拜年！雖然仲戴住口罩，但接觸大家嘅眼神，都知道多咗笑容，咁我都希望兔年大家都開開心心，最緊要身體健康。」家樂新年小休終於可以抖番下！陈家乐
陳家樂過年前拍戲拍劇忙爆 新年小休回下氣
