台版《聲生不息》最終名單出爐　那英KO蔡琴坐正

台版《聲生不息》最終名單出爐　那英KO蔡琴坐正台灣版《聲生不息．寶島季》自傳出開拍以嚟，每個月參賽藝人名單都唔同，已經先後傳過有台灣靚聲天后蔡琴、楊丞琳、李榮浩夫妻對戰、「甜心教主」王心凌、任賢齊等天王天后級人腳，但網上流傳嘅名單一改再改，一直去到前日（3日），有網友喺內地長沙街頭偶遇《聲生不息》節目錄製，終令《寶島季》嘉賓陣容曝光！希望…今次個名單係真掛….由拍攝現場現身藝人所見，今次參賽歌手「大換血」，改由台灣「情歌王子」張信哲擔正，更同內地歌后那英聯手，帶埋楊宗緯、張韶涵、魏如萱、張杰、華晨宇、馬嘉祺、艾怡良、陳粒、夏日入侵企畫、壞特、陳卓璇及陳立農，組成最終名單。有網友指今次大Sell「寶島情懷」，不過參賽內地藝人近乎佔半，未知節目組係呼會有新策略吸眼球。網上同時流出眾藝人首場表演嘅歌單，包括張信哲《過火》、那英《白天不懂夜的黑》、楊宗瑋《一次就好》、張韶涵《遺失的美好》等，均令網友等住聽出耳油。今次變咗那英擔大旗！張韶涵就次次名單都有佢咁滯，眾望所歸。張信哲擔正一哥。仲有華晨宇。那英蔡琴