陳豪自爆陳茵媺拍完劇「暫休」：回復媽媽角色視帝陳豪出席無綫劇集《新四十二章》宣傳，透露剛與太太陳茵媺及子女快閃泰國布吉旅遊：「趁小朋友開學之前同佢哋去開心吓，今次先帶公主同王子去玩先，之後再同太太二人世界。」談到旅程間為太太拍攝索爆泳裝片段成為熱話，他說：「我好鍾意攝影，太太鍾意影相，同埋拍開戲識得鏡頭運用，我覺得出嚟效果都唔錯，平時去旅行大家會分工（介唔介意太太晒身材？）冇乜所謂，以前比較保護小朋友，依家想畀大家感受吓，我哋嘅家庭就係充滿歡樂同愛，其實我都拍咗好多片同相，等剪完再慢慢分享畀大家睇。」陳豪今次為太太拍攝索爆泳裝片，全城勁讚。大家最愛睇呢個陳茵媺。下次先同太太二人世界。曾透露將二人世界出埠，陳豪表示仍在計劃中，問到屆時是否主力温馨而足不出戶？他即笑到見牙唔見眼：「你哋好壞呀！」而早前與太太夫妻檔拍劇，問到太太現時可有戲癮？陳豪表示：「佢今次拍劇都好辛苦，加上小朋友開學，所以回復番媽媽角色，暫時都會專注家庭先。」仲話自己愛攝影。嚟緊開學，陳茵媺又要「息影」喇…陈茵媺陈豪
陳豪自爆陳茵媺拍完劇「暫休」：回復媽媽角色
