林敏驄相隔6年再開作品展演唱會：有福氣可以做到藝人林敏驄將於下月18及19日於西九戶外舉行其第2次作品展演唱會，日前他接受好友范振鋒主持的新城電台訪問，更大爆對方是今次演唱會投資方之一，稱呼對方做老闆。阿驄笑謂:「因為阿范上次都有份投資，有啲甜頭！」對上一次林敏驄作品展演唱會已是6年前，問他今次演唱會會有甚麼歌時，阿驄笑言:「唔知喎！唔係我度，好多人問我會唔會講吓嘢，整啲搞笑歌咁，(上次你都唱咗一半?)黐線，我唱咗2、3隻啫嘛！我做收銀、掃地同招呼朋友，(都幾好搵！)咪搵啲茅利嚟唱囉！」問到今次會邀請甚麼嘉賓時，他謂:「梗係唱得㗎啦！我哋有啲咁好嘅歌，唔同時間聽有啲唔同嘅感受，好多大家都耳熟能詳，好多年輕人聽番嗒真啲覺得寫歌呢個真係天才，真係㗎！有咁多作品仲係有咁嘅級數唔係好多，自己咁有福氣做到呢樣嘢，唔係個個做到。(你真係冇對手?)無辦法！天才！(會否加場?)有期冇所謂！」阿驄被問到演唱會會否加入一Part個人棟篤笑時，他謂:「我唔鍾意做棟篤笑，好憎啲嘢係寫定嘅，又要讀稿，我哋有咩臨場發揮！」林敏驄接受好友范振鋒電台節目訪問。大爆阿范係今次演唱會投資者之一。林敏驄絕對係天才。林敏驄
林敏驄相隔6年再開作品展演唱會：有福氣可以做到
